ચશ્મા પહેરતા લોકોને કોરોના થવાનું જોખમ ઓછું- સ્ટડી

News18 Gujarati
Updated: February 23, 2021, 1:19 PM IST
ચશ્મા પહેરતા લોકોને કોરોના થવાનું જોખમ ઓછું- સ્ટડી
ભારતમાં હાથ ધરવામાં આવેલા રિસર્ચથી જાણવા મળ્યું કે કોવિડનું જોખમ ચશ્મા પહેરતા લોકોમાં બેથી ત્રણ ગણું ઓછું હતું

ભારતમાં હાથ ધરવામાં આવેલા રિસર્ચથી જાણવા મળ્યું કે કોવિડનું જોખમ ચશ્મા પહેરતા લોકોમાં બેથી ત્રણ ગણું ઓછું હતું

  • Share this:
નવી દિલ્હી. એક અધ્યયન મુજબ, ચશ્મા પહેરનારા લોકને કોરોના વાયરસ (Coronavirus)થી ચેપ લાગવાની સંભાવના ઓછી હોય છે. કારણ કે તેઓ તેમની આંખો ઓછી મસળે છે. ભારત (India)ના સંશોધનકારોએ પીઅર-રિવ્યુ કરેલ અભ્યાસ medRxiv વેબસાઇટ પર પ્રકાશિત કર્યો, જેમાં તેઓએ 304 લોકોનો અભ્યાસ કર્યો. જેમાં 223 પુરુષ અને 81 મહિલાઓનો સમાવેશ થાય છે. ગયા ઉનાળા (Summer)માં બે અઠવાડિયા દરમિયાન ઉત્તર ભારત (North India)ની એક હોસ્પિટલમાં 10થી 80 વર્ષની વયની સ્ત્રીઓમાં કોવિડના લક્ષણો (COVID-19 Positive) નોંધાવ્યાં હતાં.

તેમાંથી ફક્ત 19 ટકા લોકોએ કહ્યું કે તેઓ મોટાભાગે ચશ્મા (Spactacles) પહેરતા હતા. સંશોધનકારોએ શોધી કાઢ્યું કે સરેરાશ, સહભાગીઓએ એક કલાકમાં 23 વખત તેમનો ચહેરાને અને તેમની આંખોને પ્રતિ કલાકમાં સરેરાશ ત્રણ વખત સ્પર્શ કર્યો હતો. Independent અનુસાર, અધ્યયનથી જાણવા મળે છે કે કોવિડનું જોખમ ચશ્મા પહેરતા લોકોમાં બેથી ત્રણ ગણું ઓછું હતું.

(છ મહાનગરપાલિકાની ચૂંટણી પરિણામના તમામ સમાચાર માટે અહીં ક્લિક કરો)

તે જણાવે છે કે વાયરસના સંપર્કમાં આવવાની સૌથી નોંધપાત્ર રીતોમાં ખરાબ હાથથી આંખો, નાક અથવા મોંને સ્પર્શ કરવો છે. ચશ્માના લાંબા ગાળાનો ઉપયોગ આંખોને સ્પર્શ કરવાથી રોકે છે. તેથી, કોવિડ-19 થવાની શક્યતા ઓછી છે. તારણો સૂચવે છે કે જે લોકો આઠ કલાક ચશ્મા પહેરે છે, તેઓને કોરોના થવાની સંભાવના ઓછી છે.

આ પણ વાંચો, આ એક રૂપિયાનો આ સિક્કો આપને બનાવી શકે છે માલામાલ! મળી શકે છે 10 લાખ રૂપિયા

આ પહેલાં ડોકટરોએ કોન્ટેક્ટ લેન્સ પહેરનારા લોકોને તેમની આંખોમાં કોરોનાવાયરસ ન જાય તે માટે ચશ્મા પહેરવાની સલાહ આપી હતી.'ડેલી મેલ' મુજબ, ગયા વર્ષે ચીનના સંશોધનકારોએ શોધી કાઢ્યું હતું કે, કોવિડ દર્દીઓમાં સામાન્ય લોકો કરતા ચશ્મા પહેરતા લોકો પાંચ ગણા ઓછા હતા. નાંચાંગ યુનિવર્સિટીની સેકન્ડ એફિલિએટેડ હોસ્પિટલના સંશોધનકારોની ટીમે જણાવ્યું છે કે, તેઓ માને છે કે રીસેપ્ટર્સ જેના પર વાયરસ માનવ કોષોમાં પ્રવેશ કરે છે અને ACE -2 રીસેપ્ટર્સને ચેપ લગાડે છે, તે આંખોમાં જોવા મળે છે.

આ પણ વાંચો, India Corona Updates: 24 કલાકમાં નવા 10,584 કેસ નોંધાયા, 78 દર્દીનાં મોત

લેખકોએ શોધ્યું કે જે લોકો ચશ્મા પહેરે છે, તે કોવિડ-19થી ઓછા અસરગ્રસ્ત હોય છે. અધ્યયને નોંધ્યું છે કે આંખો માનવ શરીરમાં પ્રવેશવા માટે સાર્સ-કોવ -2ની એક મહત્વપૂર્ણ ચેનલ માનવામાં આવે છે અને ચશ્મા એક રક્ષણાત્મક આઇ ગિઅર તરીકે કાર્ય કરે છે. જેનાથી આંખોમાં વાયરસનું સંક્રમણ થવાનું જોખમ ઓછું છે.
Published by: Mrunal Bhojak
First published: February 23, 2021, 1:19 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading