સુરતમાં ત્રણ દિવસમાં પાંચમી હત્યા, યુવાનને ચપ્પુ મારીને અજાણ્યા લોકોએ મોતને ઘાટ ઉતારી દીધો


Updated: September 16, 2020, 9:39 AM IST
સુરતમાં ત્રણ દિવસમાં પાંચમી હત્યા, યુવાનને ચપ્પુ મારીને અજાણ્યા લોકોએ મોતને ઘાટ ઉતારી દીધો
સુરતમાં ત્રણ દિવસમાં પાંચ હત્યા.

શહેરના પાંડેસરા વિસ્તારમાં આવેલા ગોવાલનગર ચાર રસ્તા પાસે આવેલા ગણપતનાગરમાં 25 વર્ષીય યુવાન સંતા મણીરામ યાદવ પર પાંચથી છ જેટલા યુવાનોએ હુમલો કર્યો હતો.

  • Share this:
સુરત: શહેરમાં ગુનેગારો કાબૂ બહાર થઈ થઈ ગયા હોય તેવું લાગી રહ્યું છે. જે બાદમાં પોલીસ (Surat Police)ની કામગીરી પર પણ અનેક સવાલ ઉઠી રહ્યા છે. શહેરમાં સતત ત્રીજા દિવસે પણ હત્યા (Five Murders in three days)ની ઘટના બનવા પામી છે. છેલ્લા ત્રણ દિવસમાં પાંચમી હત્યાની ઘટના સામે આવી છે. શહેરમાં મોડી રાત્રે સુરતના પાંડેસરા વિસ્તાર (Pandesara Area- Surat)માં 25 વર્ષીય યુવાનને કેટલાક અજાણ્યા ઈસમોએ ચપ્પુના ઘા મારીને મોતને ઘાટ ઉતારી દીધો હતો. જે બાદમાં યુવક પાસે રહેલો મોબાઇલ ફોન, રોકડ રૂપિયાની લૂંટ (Loot) ચલાવીને ફરાર થઈ ગયા હતા. પોલીસે અનુમાન લગાવ્યું છે કે આ હત્યા લૂંટના ઈરાદે કરવામાં આવી હોઈ શકે છે.

સુરત આમ તો વેપાર અને ખાસ કરીને સ્વચ્છતા માટે દુનિયામાં જાણીતું છે. કોરોના મહામારી બાદ સતત આ શહેરમાં ગુનાખોરી વધી રહી છે. છેલ્લા ત્રણ દિવસ સુરત શહેરમાં સતત હત્યાની ઘટના બની રહી છે. ગતરોજ રાત્રે વધુ એક યુવાની હત્યા સાથે શહેરમાં છેલ્લા ત્રણ દિવસમાં પાંચ હત્યા પોલીસ ચોપડે નોંધાવા પામી છે. હજુ પ્રેમ પ્રકરણમાં એક યુવાની હત્યાના આરોપીને સુરત પાંડેસરા પોલીસ પકડી લાવી છે ત્યારે જ આ જ વિસ્તારમાં બીજી એક હત્યા થવા પામી છે.



શહેરના પાંડેસરા વિસ્તારમાં આવેલા ગોવાલનગર ચાર રસ્તા પાસે આવેલા ગણપતનાગરમાં 25 વર્ષીય યુવાન સંતા મણીરામ યાદવ પર પાંચથી છ જેટલા યુવાનોએ હુમલો કર્યો હતો. હુમલો કરનાર ઈસમો સંતાને ચપ્પુ જેવા ઘારદાર હથિયારના ઘા મારી તેની પાસે રહેલા મોબાઈલ ફોન અને રોકડા રૂપિયા લઇને ફરાર થઈ ગયા હતા.

ઘટનાની જાણકારી મળતા પાંડેસરા પોલીસ બનાવ સ્થળે પહોંચી ગઈ હતી અને આ મામલે તપાસ શરુ કરી હતી. યુવાનની હત્યાને પગલે સમગ્ર વિસ્તારમાં ચકચાર મચી જવા પામી હતી. હત્યાના લઇને સમગ્ર વિસ્તારમાં ડરનો માહોલ જોવા મળ્યો હતો. પોલીસે મારનાર યુવાનની હત્યા લૂંટના ઇરાદે અથવા અંગત અદાવતમાં થઇ હોવાનું પ્રાથમિક તારણ કાઢ્યું છે. આ સાથે જ પોલીસે આ મામલે ગુનો નોંધીને આરોપીઓની ધરપકડ કરવા માટે પ્રયાસ શરૂ કર્યા છે.
સુરતમાં એક પછી એક થયેલી હત્યા:

1) પાંડેસરા વિસ્તાર: પ્રેમ પ્રકરણમાં યુવાનની હત્યા કરવામાં આવી.

2) ડિંડોલી વિસ્તાર: યુવાનને માર મારીને રેલવેના પાટા પર ફેંકી દીધો.

3) લિંબાયત વિસ્તાર: અંગત અદાવતમાં યુવાનની હત્યા.

4) પુણા વિસ્તાર: પૈસાની લેતીદેતીમાં યુવાનની હત્યા.

5) પાંડેસર વિસ્તાર: અજાણ્યા લોકોએ લૂંટના ઈરાદે યુવાનની હત્યા કરી.
Published by: Vinod Zankhaliya
First published: September 16, 2020, 9:39 AM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading