એન્ટરટેઇનમેન્ટ ડેસ્ક: કોમેડી કિંગથી ઘર ઘરમાં પ્રખ્યાત થનારા એક્ટર કોમેડિયન કપિલ શર્મા (Kapil Sharma) બીજી વખત પિતા બની ગયો છે. એક ફેબ્રુઆરીનાં તેની પત્ની ગિન્ની ચતરથ (Ginni Chatrath)એ એક સુંદર દીકરાને જન્મ આપ્યો છે. સોશિયલ મીડિયા (Social Media) પર તેણે આ ગૂડ ન્યૂઝ શેર કરી છે. જે બાદ લોકોની વધામણીઓ શરૂ થઇ ગઇ છે. સોશિયલ મીડિયા પર હાલમાં જ કપિલે એક ટ્વિટ કરી હતી અને તેનાં તમામ ફેન્સ, મિત્રો અને ચાહનારાઓનો વધામણાં માટે આભાર માન્યો હતો. કપિલની ટ્વિટને જોયા બાદ તેનાં ફેન્સ સવાલ કરી રહ્યાં છે અને પુછી રહ્યાં છે કે, તેનાં દીકરાનું શું નામ રાખવામાં આવ્યું છે? આ જોઇને કમોડિયન કપિલ શર્માએ પણ જવાબ આપ્યો છે.
કપિલે થેન્કયૂ પોસ્ટ પર તેનાં ફેન્સને સવાલ કર્યો છે અને દીકરાનું શું નામ રાખ્યું છે? તેનાં પર કપિલે જવાબ આપતાં કહ્યું છે કે, 'ધન્યવાદ, હજુ નામકરણ થયુ નથી.' સોશિયલ મીડિયા પર કપિલનો આ જવાબ સાંભળીને લોકો જાણી ગયા છે કે, હજુ સુધી કપિલનાં દીકરાનું નામ નથી રાખવામાં આવ્યું.
આપને જણાવી દઇએકે, કપિલ શર્મા અને ગિન્ની ચતરથનાં લગ્ન ડિસેમ્બર 2018માં થયા હતાં. તેનાં ઘરે 10 ડિસેમ્બર 2019નાં સુંદર દીકરીનું આગમન થયું. કપિલ અને ગિન્નીએ તેમની દીકરીનું નામ અનાયરા શર્મા રાખ્યું છે. ગત વર્ષે લોકડાઉન બાદથી ગિન્નીની પ્રેગ્નેન્સીની ખબરો સામે આવી હતી. પણ આ મામલે કપિલે ચુપ્પી બનાવી રાખી હતી. જે બાદ હવે આ વર્ષે શો બંધ થવાની ખબર આવવા લાગી તો તેણે કહ્યું કે, તેમણે થોડા સમય માટે બ્રેક લીધો છે તેથી તે પત્ની અને પરિવારની સાથે સમય વિતાવી શકે. કારણ કે તે તેનાં પહેલાં બાળક સમયે ગિન્ની સાથે સમય વિતાવી શક્યો ન હતો.
સતત કામને કારણે કપિલ તેનાં પરિવારને સમય નથી આપી શકતો. પણ હવે જ્યારે ગિન્ની બીજી વખત માતા બની છે તો એવાં સમયે કપિલે થોડા સમય માટે શોથી બ્રેક લઇ તેનો સંપૂર્ણ સમય પત્ની અને બાળકો પર આપવાનો નિર્ણય કર્યો છે. આપને જણાવી દઇએ કે, આશરે ત્રણ મહિનાનો આ બ્રેક હશે જે બાદ કપિલ દર્શકોનું મનોરંજન કરવાં ફરી હાજર થશે.
