Pakistan Train Accident: પાકિસ્તાનના સિંધમાં બે ટ્રેનો વચ્ચે જોરદાર ટક્કર, ઓછામાં ઓછા 30 લોકોનાં મોત

News18 Gujarati
Updated: June 7, 2021, 9:44 AM IST
Pakistan Train Accident: પાકિસ્તાનના સિંધમાં બે ટ્રેનો વચ્ચે જોરદાર ટક્કર, ઓછામાં ઓછા 30 લોકોનાં મોત
પાકિસ્તાનમાં મિલ્લત એક્સપ્રેસઅને સર સૈયદ એક્સપ્રેસ વચ્ચે થઈ જોરદાર ટક્કર (તસવીર- રેડિયો પાકિસ્તાન)

પાકિસ્તાનમાં સર સૈયદ એક્સપ્રેસ અને મિલ્લત એક્સપ્રેસ વચ્ચે ભીષણ અકસ્માત, રેસ્યૂરા ઓપરેશન ચાલુ

  • Share this:
ઈસ્લામાબાદ. પાકિસ્તાનના સિંધ પ્રાંતમાં સ્થિત ઘોટકીમાં મોટી ટ્રેન દુર્ઘટના સર્જાઈ છે. અહીં બે ટ્રેનોની વચ્ચે થયેલી ભીષણ ટક્કરમાં (Pakistan Train Accident) ઓછામાં ઓછા 30 લોકોનાં મોત થયાના અહેવાલ છે. દુર્ઘટનાની ભયાનક તસવીરો જોઈને આશંકા વ્યક્ત કરવામાં આવી રહી છે કે મૃતકોની સંખ્યા વધી શકે છે. મળતી જાણકારી મુજબ, રેતી અને ડહારકીની વચ્ચે સર સૈયદ એક્સપ્રેસ ટ્રેન (Sir Syed Express) અને મિલ્લત એક્સપ્રેસ (Millat Express) સાથે ટક્કર થઈ ગઈ. સ્થાનિક મીડિયા મુજબ આ દુર્ઘટનામાં 40થી 50 લોકો ઘાયલ પણ થયા છે.

બીજી તરફ, રેડિયો પાકિસ્તાન મુજબ, આ દુર્ઘટના સોમવાર વહેલી પરોઢે સર્જાઈ અને મૃતકોનો આંકડો વધી શકે છે. ગંભીર રીતે ઘાયલ મુસાફરોને હૉસ્પિટલ ખસેડવામાં આવ્યા છે. જ્યારે બોગીઓમાં ફસાયેલા મુસાફરોને બહાર કાઢવા માટે બચાવ અભિયાન (Rescue Operation) શરૂ થઈ ચૂક્યું છે.

આ પણ વાંચો, Corona Vaccine: કોવેક્સીનની તુલનામાં કોવિશીલ્ડથી બની રહી છે વધુ એન્ટીબોડી, નવી સ્ટડીમાં દાવોરેલવેએ જણાવ્યું કે મિલ્લત એક્સપ્રેસ કરાચીથી સરગોધા જઈ રહી હતી ત્યારે રસ્તામાં તે ટ્રેક પરથી નીચે ઉતરી ગઈ. આ દરમિયાન રાવલપિંડીથી કરાચી જઈ રહેલી સર સૈયદ એક્સપ્રેસ તેની સાથે ટકરાઈ ગઈ. દુર્ઘટના બાદ મિલ્લત એક્સપ્રેસની આઠ અને સર સૈયદ એક્સપ્રેસના એન્જિન અને ત્રણ બોગીઓ પાટા પરથી ઉતરી ગયા. જ્યારે કેટલીક બોગીઓ ખાડામાં જઈને પડી.

આ પણ વાંચો, મહેન્દ્ર સિંહ ધોનીએ ખરીદ્યો મોંઘી બ્રિડનો ઘોડો, સ્કોટલેન્ડથી રાંચી લવાયો, જાણો તેની ખૂબીઓ



સિંધ પ્રાંતના ઘોતકી જિલ્લાના પોલીસ અધિકારી ઉસ્માન અબ્દુલ્લાએ જણાવ્યું કે, આ દર્ઘટનામાં ઓછામાં ઓછા 40 લોકો ઘાયલ થયા છે. સ્થાનિક ગામવાસીઓ, બચાવ ટીમ અને પોલીસ મદદ માટે દોડી આવી છે અને મૃતકો તથા ઘાયલ મુસાફરોને નજીકની હૉસ્પિટલમાં લઈ જવામાં આવી રહ્યા છે. તેની સાથે જ તેમણે જણાવ્યું કે રાહત કાર્ય માટે ભારે મશીનરીની જરુર ઊભી થઈ છે, જે ઘટનાસ્થળ માટે રવાના થઈ ચૂકી છે.
Published by: Mrunal Bhojak
First published: June 7, 2021, 9:38 AM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading